कति अर्काको कबिता मात्रै पढ्नु ? मलाई पनि कबिता लेखौ लेखौ जस्तो लागेर आयो । पत्रकारले कबिता लेखेको के ढंग पुग्थ्यो र ! अली मिलाएर पढ्नु होला । कबिता पढि सकेर, खुब अर्कालाई अर्ती दिने भएछ भन्नु होला नि । सिकारु कबिता हो यो ।
नयाँ बर्षले सु-बुद्धी देओस !
आफू आफूमा लडेर दुनियाँ हसाउने नेपालीहरुलाई ।
आँफै पढ्ने क्याम्पस र लाइब्रेरी जलाउने विद्यार्थीहरुलाई ।
अधिकारको नाममा बाटो थुनेर अरुलाई दु:ख दिनेहरुलाई ।
राजनीतिसँग जोडेर मान्छे मार्नेहरुलाई ।
अराजकतामा रमाउने राजनीतिक दलहरुलाई ।
कवै नचेतने हाम्रा नेताहरुलाई ।
हातमा दलको झन्डा बोकेर पत्रकारिता गर्नेहरुलाई ।
घर अगाडिको सडकमा फोहोर फ्याक्ने शहर बासीलाइ ।
सरकारमै बसेर सडक र संसद बन्द गर्ने, सरकारी पार्टीलाई ।
खाली सरकारको बिरोध मात्रै गर्ने प्रतिपक्षलाई ।
सेना र अदालत छुनै हुन्न भन्ने गणतन्त्र बादीहरुलाई ।
जिम्मेवारी र कर्तब्य भुलेका कर्मचारीहरुलाई ।
सिपाहीलाई अर्दली राख्न्ने जर्साबहरुलाई ।
सबैको बुद्धि फिरोस
नयाँ बर्षको शुभकामना !
जितमान बस्नेत
University of York
England
